Avèk yon ti kras mwens pase yon mwa anvan kòmansman koup di mond 2026 la, plizyè ofisyèl nan Federasyon Foutbòl Senegalèz la (FSF) pran yon douch frèt nèt.
Anbasad Etazini nan Dakar te refize viza sis ofisyèl nan òganizasyon an, tankou katriyèm vis-prezidan li an, Amadou Kane. Pami yo te genyen tou Moussa Mbaye, prezidan Stade de Mbour e yon manm komite egzekitif Federasyon an.
Li pa t kache enkonpreyansyon li. Li te fè remake otorite amerikèn yo te anonse mezi ki gen entansyon fasilite antre ofisyèl ak delegasyon espòtif pou koup di mond 2026 la.
Federasyon foutbòl Senegalèz la (FSF) te soumèt yon aplikasyon viza konjwen nan anbasad Ameriken an. Kounye a, òganis ki dirije foutbòl Senegalèz la ap konsidere lòt etap pou fè yo egzamine aplikasyon yo te rejte yo.
Selon plizyè sous, jounalis ak sipòtè Senegalè yo te jwenn refi pou yo ba yo viza tou, sa ki konplike plis toujou sipò Lyon Teranga yo pandan konpetisyon an.
Nan koup di mond 2026 la, Senegal pral jwe nan Gwoup I ansanm ak Lafrans, Nòvèj ak Irak.
Chèk Omar Ouedraogo
Aprann plis bagay sou nouvèl Afrik yo
Abònman pou jwenn dènye post yo voye nan imel ou.
